A flor do cacto

Biografía:

Nacín o 6 de xullo de 1968, en Caracas (Venezuela)
Aos oito anos, no 76, cando os meus pais decidiron retornar á terriña que nos criou, xa finalizando a ditadura, volvín nacer de novo e identifiqueime plenamente coa lingua que alá na América falaban só entre eles os dous “porque a las niñas no”, e iso aínda segue a ser así en moitas familias.
En 1999, decidinme a auto editar o meu primeiro poemario “Aria para dúas voces” coa idea de agasallalo á miña xente e polo tanto, nunca o puxen á venda pero si está a disposición gratuíta na rede.
Na actualidade participo en todo canto evento poético podo, na miña cidade, Vigo, e comparto o que escribo no meu blog, auga nos labios, http://raquelpazosgarrido.blogspot.com.es/