Conchita (Concetta) Paz Montenegro nace en Vilalba (Lugo). Vive en A Coruña, Pontevedra, Ourense, Lugo, León e Soria. Volve a Lugo onde se afincará definitivamente. Profesora de CEIP, acaba a súa profesión docente no IES ÁNXEL FOLE (Lugo) como profesora de Lingua Galega. O seu espíritu soñador e rebelde está presente na súa vida e na súa obra. Forma parte do grupo de poetas e artistas plásticos ROTEIRO DAS ARTES con carácter itinerante por toda Galiza (Monterroso, Teo, Padrón, Taboada, Sarria, Chantada, A Coruña). Tamén se integra en ROTEIRO DAS ARTES INTERNACIONAL: Galiza-Cabo Verde, Galiza-Perú, Galiza Mozambique, Galiza-Ucrania, Galiza-Angola. Escribe tamén en XISTRAL (Revista lucense de creación poética) 2014- 2015- 2016- 2017. Partícipe asidua en catas poéticas. Ten editados dous poemarios: LATEXOS-(2006) e CUNCHEIRO(2016). No mundo das Artes Plásticas a súa traxectoria é moi larga. Técnica de Artes Plásticas en Serigrafía Artística. Técnica superior de Artes Pásticas e Deseño en Gravado e Técnicas de Estampación. Técnica Superior de Cerámica Artística. Deseñadora. Ilustradora. Máis de cen exposicións avalían a súa pintura e obra gráfica.
Menú
