Alfonso Otero Regal conta con máis de 40 anos de experiencia adicado á elaboración da cerámica. Regal Cerámica coida especialmente o deseño das pezas que elabora con materias primas
da zona na que traballa, como o caolín, cuarzo e feldespato. A decoración das pezas, realízaa a mano propio artesán combinando a iconografía popular e a tradición pictórica e escultórica
moderna. O resultado é unha cerámica única doadamente recoñecible para o público.
Ademais da cerámica Otero Regal, leva máis de duas ducias de libros ilustrados, con concepto complementario co texto e tamén varios libros de autor.
No ano 2008, Regal Cerámica abre as portas das súas novas instalacións en Viveiro, Lugo, que superan o concepto de taller artesanal. Un proxecto co que o artesán quere crear un espazo máis efectivo para a produción das pezas e converter o taller nun punto de atracción turística e cultural, con zonas adicadas á museos, exposición, a investigación e a formación. Posúe obra en
Museos, Fundacións e coleccións privadas de España, Europa, EEUU e Xapón.
